தனுஷின் குபேரா திரைப்படத்திற்குத் தணிக்கை வாரியம் சான்றிதழ் வழங்கியுள்ளது.

நடிகர் தனுஷின் 51-வது படத்தை சேகர் கமூலா இயக்கியுள்ளார். இதில் நாகார்ஜுனா பிரதான பாத்திரத்திலும் ராஷ்மிகா நாயகியாகவும் நடித்துள்ளனர்.

குபேரா எனப் பெயரிடப்பட்டுள்ள இந்தப் படம் பான் இந்தியப் படமாக உருவாகியுள்ளது. ஜூன் 20 ஆம் தேதி வெளியாகவுள்ள இப்படத்துக்கு தேவி ஸ்ரீ பிரசாத் இசையமைத்து வருகிறார்.

அண்மையில், ட்ரான்ஸ் ஆஃப் குபேரா (trance of kubera) எனப் பெயரிடப்பட்ட டீசர் விடியோ ரசிகர்களிடையே கவனம் பெற்றது. தற்போது, படத்தின் டப்பிங் பணிகள் விறுவிறுப்பாக நடைபெற்று வருகிறது.

இந்த நிலையில், இப்படத்திற்குத் தணிக்கை வாரியம் யு/ஏ சான்றிதழ் வழங்கியுள்ளனர். படம் 195 நிமிடங்கள் (3.15 மணிநேரம்) கால அளவு கொண்டது என்றும் குறிப்பிடப்பட்டுள்ளது.

இது ரசிகர்களிடம் ஆவலை ஏற்படுத்தியதுடன் இவ்வளவு கால அளவுகொண்ட படம் சரியான கவனத்தைப் பெற்றுத் தருமா என்றும் கேள்விகளை எழுப்பியுள்ளனர்.

இதையும் படிக்க: மீண்டும் கேங்ஸ்டர் படத்தை இயக்கும் வெற்றி மாறன்? நாயகன் இவரா?