நடிகர் விக்ரம் பிரபுவின் லவ் மேரேஜ் படத்தின் டிரைலர் வெளியாகியது.

அறிமுக இயக்குநர் ஷண்முக பிரியன் லவ் மேரேஜ் படத்தினை இயக்கியுள்ளார்.

ஸ்வேதா, ஸ்ரீநிதி சாகர் தயாரிக்கும் இந்தப் படத்தில் சுஸ்மிதா பட், மீனாக்‌ஷி தினேஷ், ரமேஷ் திலக் நடித்துள்ளார்கள்.

இந்தப் படம் கோடை விடுமுறையில் வெளியாகுமென படக்குழு அறிவித்துள்ளது. இந்தப் படத்துக்கு ஷான் ரோல்டன் இசையமைக்கிறார்.

ஏற்கனவே விக்ரம் பிரபு இயக்குநர் வெற்றி மாறனின் இணை இயக்குநரான சுரேஷ் இயக்கத்தில் புதிய படத்தில் நடிப்பதாக அறிவிக்கப்பட்டது.

டாணாக்காரன் இயக்குநர் தமிழ் இப்படத்தின் கதையை எழுதியுள்ளார். செவன் ஸ்கிரீன் லலித் குமார் தயாரிக்கும் இப்படத்தில் லலித்தின் மகனும் நடிகராக அறிமுகமாகிறார்.

படத்திற்கு ஜஸ்டின் பிரபாகரன் இசையமைக்க பிலோமின் ராஜ் எடிட்டராக ஒப்பந்தம் செய்யப்பட்டுள்ளதும் குறிப்பிடத்தக்கது.

இந்நிலையில், படத்தின் டிரைலர் வெளியாகியுள்ளது. இந்தப் படம் ஜூன் 27ஆம் தேதி வெளியாகுமென அறிவிக்கப்பட்டுள்ளது.