நடிகர் சூர்யாவின் ரெட்ரோ திரைப்படம் தமிழகத்தில் முதல் நாள் வசூலித்த தொகை அதிகாரப்பூர்வமாக அறிவிக்கப்பட்டுள்ளது.

நடிகர் சூர்யா இயக்குநர் கார்த்திக் சுப்புராஜ் கூட்டணியில் உருவான ரெட்ரோ திரைப்படம் நேற்று (மே.1) திரையரங்குகளில் வெளியானது.

காதல், நகைச்சுவை, சண்டை என கமர்சியல் திரைப்படத்துக்கு உண்டான அனைத்து அம்சங்களுடன் இப்படம் திரைக்கு வந்தாலும் கலவையான விமர்சனங்களையே பெற்றுள்ளது.

இந்த நிலையில், இப்படம் தமிழகத்தில் முதல் நாள் வசூலாக ரூ. 17.75 கோடியை வசூலித்துள்ளதாகத் தயாரிப்பு நிறுவனம் அதிகாரப்பூர்வமாக அறிவித்துள்ளது.

மேலும், தமிழகத்தில் முதல் நாளில் அதிக வசூலை ஈட்டிய சூர்யாவின் திரைப்படம் இதுதான் என்பதையும் குறிப்பிட்டுள்ளனர்.

இப்படம் முதல் நாளில் உலகளவில் ரூ. 35 கோடி வரை வசூலித்திருக்கலாம் என எதிர்பார்க்கப்படுகிறது.

இதையும் படிக்க: நடிகர் சங்க கட்டட திறப்பு விழா தேதியை அறிவித்த விஷால்!