சுந்தர் சி இயக்கிய கேங்கர்ஸ் படத்தின் புதிய விடியோ வெளியாகியுள்ளது.

மத கஜ ராஜா படத்தின் வெற்றியைத் தொடர்ந்து இயக்குநர் சுந்தர். சி இயக்கிய கேங்கர்ஸ் திரைப்படம் கடந்த ஏப்.24ஆம் தேதி வெளியானது.

முழுநீள நகைச்சுவைத் திரைப்படமாக உருவாகியுள்ள இப்படத்தில் நாயகனாக சுந்தர். சி, நாயகியாக கேத்ரீன் தெரேசா முக்கிய கதாபாத்திரங்களில் வடிவேலு, வாணி போஜன் உள்ளிட்டோர் நடித்துள்ளனர்.

இந்தப் படம் கலவையான விமர்சனங்களைப் பெற்றாலும் நடிகர் வடிவேலுவின் நகைச்சுவைகள் மட்டுமே அறுதல் அளித்ததாகக் கூறப்படுகிறது.

இந்தப் படத்தின் டிரைலர் வெளியாகி 2 நாள்களில் யூடியூப் டிரெண்டிங்கில் முதலிடம் பிடித்தும் கேத்ரின் தெரேசாவின் கவர்ச்சி நடனமும் இணையத்தில் வைரலானதும் குறிப்பிடத்தக்கது.

இந்தப் படம் ஒரு வாரத்தில் ரூ.10 கோடி வசூலித்ததாக தகவல் வெளியானாலும் படக்குழு வசூல் குறித்து எதுவும் கூறவில்லை. மாறாக, 2ஆவது வாரம் வெற்றிகரமாக ஓடிக்கொண்டிருப்பதாக மட்டும் கூறியுள்ளது.

இந்நிலையில், படத்தின் 2-ஆவது முன்னோட்ட விடியோ வெளியாகியுள்ளது.