விமான நிலையத்தில் பிறந்த நாளைக் கொண்டாடிய ரஷ்மிகா!

நடிகை ரஷ்மிகா மந்தனா தன் பிறந்த நாளுக்காக விமான நிலையத்தில் கேக் வெட்டிய விடியோ வைரலாகியுள்ளது.

இந்தியளவில் பிரபலமான நடிகையாக இருப்பவர் ரஷ்மிகா மந்தனா. தெலுங்கில் அறிமுகமானவருக்கு நிறைய வெற்றிப்படங்கள் அமைய, அனிமல் மற்றும் புஷ்பா - 2 மூலம் நேஷனல் கிரஷ்-ஆகவே மாறினார்.

நீண்ட நாள்களாக காதலித்து வந்த நடிகர் விஜய் தேவரகொண்டாவும் நடிகை ரஷ்மிகா மந்தனாவுக்கு கடந்த பிப். 26 ஆம் தேதி திருமணம் செய்துகொண்டனர்.

இந்த இணைக்கு இந்தியளவில் வாழ்த்துகள் கிடைத்ததுடன் திருமண புகைப்படங்கள் மிக அதிகளவிலான விருப்பங்களைப் பெற்றது.

இந்த நிலையில், ரஷ்மிகா தன் 30-வது பிறந்த நாளை நேற்று (ஏப். 5) கொண்டாடியுள்ளார். சமூக வலைதளங்களிலும் அவருக்கு வாழ்த்துகள் குவிந்து வருகின்றன.

குறிப்பாக, விமான நிலையத்தில் வைத்தே தன் பிறந்த நாளுக்கான கேக் வெட்டி நண்பர்களுக்கு ஊட்டிய விடியோ சமூக வலைதளங்களில் வைரலாகியுள்ளது.