அன்பே டயானா படத்தின் டப்பிங் பணிகள் தொடக்கம்!

அன்பே டயானா திரைப்படத்தின் டப்பிங் பணிகள் தொடங்கியதாகப் படக்குழு புரோமோ விடியோவை வெளியிட்டுள்ளது.

ஜமா திரைப்படம் மூலம் இயக்குநராகவும் நடிகராகவும் கவனம் பெற்றவர் பாரி இளவழகன். அந்தத் திரைப்படம் நல்ல வரவேற்பைப் பெற்றது.

இதனைத் தொடர்ந்து அவர் ’அன்பே டயானா’ என்ற புதிய திரைப்படத்தை இயக்கி நடித்துள்ளார். சென்னை பெரம்பூரில் நடக்கும் காதல் கதையாக எடுக்கப்பட்டுள்ள இப்படத்தின் டீசர் நல்ல வரவேற்பைப் பெற்றது.

லவ்வர், டூரிஸ்ட் ஃபேமிலி ஆகிய திரைப்படங்களைத் தயாரித்த மில்லியன் டாலர் பிக்சர்ஸ் நிறுவனம் இப்படத்தைத் தயாரித்துள்ளது.

இந்தப் படத்தில் ரோஜா, சேத்தன், யூடியூபர் கோபி, ரம்யா ரங்கநாதன் முக்கியமான கதாபாத்திரத்தில் நடித்துள்ளார்கள்.