சிக்கிமில் மொத்தமுள்ள 32 சட்டப்பேரவைத் தொகுதிகளுக்கும் மக்களவை தேர்தலுடன் சேர்த்து வாக்குப்பதிவு நடைபெற்ற நிலையில், வாக்கு எண்ணிக்கை இன்று(ஜூன் 2) காலை 6 மணிக்கு தொடங்கி நடைபெற்று வருகிறது.

அதில், பெரும்பான்மை இடங்களில் சிக்கிம் கிராந்திகாரி மோர்ச்சா கட்சி(எஸ்கேஎம்) வெற்றி பெற்றுள்ளது.

இந்த நிலையில், சிக்கிம் முதல்வரும், சிக்கிம் கிராந்திகாரி மோர்ச்சா கட்சித் தலைவருமான பிரேம் சிங் தமாங்கின் மனைவி கிருஷ்ண குமாரி ராய் நாம்ச்சி-சிங்கிதாங் சட்டப் பேரவைத் தொகுதியில் வெற்றி பெற்றுள்ளார்.

சிக்கிம் கிராந்திகாரி மோர்ச்சா (எஸ்கேஎம்) வேட்பாளரான கிருஷ்ண குமாரி ராய், சிக்கிம் ஜனநாயக முன்னணியின் (எஸ்டிஎஃப்) பிமல் ராயை 5,000க்கும் அதிகமான வாக்குகள் வித்தியாசத்தில் தோற்கடித்தார்.

நாம்ச்சி-சிங்கிதாங் சட்டப் பேரவைத் தொகுதியில் கிருஷ்ண குமாரி ராய் 7,605 வாக்குகளையும், பிமல் ராய் 2,605 வாக்குகளையும் பெற்றனர்.