இசையமைப்பாளர் ஏ.ஆர். ரஹ்மான் இசைக் குழுவில் கிதார் கலைஞர் மோஹினி டேவும், தனது கணவரை விவாகரத்து செய்யவிருப்பதாக அறிவித்துள்ளார்.

ஏ.ஆர். ரஹ்மான் இசைக் குழுவில் பேஸ் கிதார் கலைஞரான மோஹினி டேவும் (29), அவரது கணவரும் இசையமைப்பாளருமான மார்க் ஹார்ட்சக்கும் பிரியவிருப்பதாக அதிகாரபூர்வமாக அறிவித்துள்ளனர்.

இருவரும் தங்களது இன்ஸ்டாகிராம் பக்கத்தில் தெரிவித்திருப்பதாவது, கனத்த இதயத்துடன், நாங்கள் பிரிந்துவிட்டோம் என்று அறிவிக்கிறோம். இது எங்களுக்கு இடையிலான பரஸ்பர புரிதலின் மூலம் உண்டான பிரிதலே. இருப்பினும், இருவரும் இணைந்தே பணியாற்றுவோம்; அது எந்த நேரத்திலும் நிறுத்தப்படாது.

நீங்கள் எங்களுக்கு அளித்த ஆதரவை நாங்கள் பாராட்டுகிறோம். எங்கள் தனியுரிமையை மதிக்குமாறு கோருகிறோம்’’ என்று கூறியுள்ளனர். இசையமைப்பாளர் ஏ.ஆர். ரஹ்மானும் மோஹினி டேவும் இணைந்து 40-க்கும் மேற்பட்ட நிகழ்ச்சிகளில் பணியாற்றியுள்ளனர்.

ஏ.ஆர். ரஹ்மானும் அவரது மனைவி சாய்ரா பானுவும் பிரிந்து வாழவிருப்பதாக அறிவித்த சில மணிநேரங்களிலேயே, அவரது இசைக்குழுவிலும் ஒருவர் விவாகரத்து அறிவித்திருப்பது சமூக வலைதளங்களில் பேசுபொருளாகி உள்ளது.

இதையும் படிக்க: சுங்க வரித்துறையில் குரூப் 'சி' பணிகளுக்கு விண்ணப்பிக்கலாம்!