தாய்லாந்து பிரதமர் ஷினவத்ராவுடன் பிரதமர் மோடி சந்திப்பு

வியன்டியானில் கிழக்கு ஆசிய உச்சிமாநாட்டின் இடையே, தாய்லாந்து பிரதமர் பேடொங்டான் ஷினவத்ராவைப் பிரதமர் மோடி சந்தித்தார்.

தாய்லாந்து பிரதமராக பதவியேற்றதை முன்னிட்டு பேடொங்டான் ஷினவத்ராவுக்குப் பிரதமர் வாழ்த்து தெரிவித்தார். அப்போது மூன்றாவது முறையாக பதவியேற்றுள்ள பிரதமர் மோடிக்கு ஷினவத்ராவும் வாழ்த்து தெரிவித்தார்.

ஹரியாணா பேரவைத் தேர்தல் முடிவுகள் எதிர்பாராதது: அசோக் கெலாட்

பல்வேறு துறைகளில் இருதரப்பு ஒத்துழைப்பு குறித்து இரு தலைவர்களும் விவாதித்தனர். துணை மண்டல, பிராந்திய மற்றும் பலதரப்பு அரங்குகளில் நெருங்கிய ஒத்துழைப்பை உருவாக்குவதற்கான வழிகள் குறித்தும் அவர்கள் கருத்துகளைப் பரிமாறிக் கொண்டனர்.

இந்தச் சூழலில், பிம்ஸ்டெக் மூலம் பிராந்திய ஒத்துழைப்பை வலுப்படுத்துவது குறித்தும் அவர்கள் விவாதித்தனர். தாய்லாந்து பிரதமர்- பிரதமர் மோடி சந்திப்பது இதுவே முதல் முறை என்பது குறிப்பிடத்தக்கது.