தங்கம் விலை மீண்டும் குறைந்தது: எவ்வளவு தெரியுமா?

சென்னை: சென்னையில் ஆபரண தங்கத்தின் விலை செவ்வாய்க்கிழமை பவுனுக்கு ரூ.240 குறைந்து ரூ.54,160-க்கு விற்பனையான நிலையில், புதன்கிழமை மீண்டும் பவுனுக்கு ரூ.80 குறைந்துள்ளது.

சென்னையில் திங்கள்கிழமை ஒரு பவுன் ஆபரணத் தங்கத்தின் விலை ரூ.160 குறைந்து ரூ.54,400-க்கு விற்பனையானது. தொடா்ந்து செவ்வாய்க்கிழமையும் தங்கத்தின் விலை குறைந்தது. அதன்படி, ஒரு கிராம் ரூ.30 குறைந்து 6,770-க்கும், ஒரு பவுன் ரூ.240 குறைந்து ரூ.54,160-க்கும் விற்பனையானது.

இந்த நிலையில், புதன்கிழமையும் தங்கத்தின் விலை சற்று குறைந்துள்ளது. அதன்படி, ஒரு கிராம் ரூ.10 குறைந்து 6,760-க்கும், ஒரு பவுன் ரூ.80 குறைந்து ரூ.54,080-க்கும் விற்பனையாகிறது.

வெள்ளி விலை நிலவரம்

சென்னையில் திங்கள்கிழமை ஒரு கிராம் வெள்ளி ரூ.99.50-க்கு விற்பனையான நிலையில், செவ்வாய்க்கிழமை 50 காசு குறைந்து ரூ.99-க்கும், ஒரு கிலோ (கட்டி வெள்ளி) ரூ.500 குறைந்து ரூ.99,000-க்கு விற்பனையானது. இந்த நிலையில், செவ்வாய்க்கிழமை விலையில் மாற்றமின்றி வெள்ளி விற்பனையாகி வருகிறது.