அரசு முறைகேடுகள் தொடா்பாக தில்லி துணைநிலை ஆளுநா் அலுவலகம் அருகே ஆம் ஆத்மி ஆா்ப்பாட்டம்

தில்லி அரசாங்கத்தில் நடந்ததாகக் கூறப்படும் மோசடிகள் குறித்து நடவடிக்கை எடுக்கக் கோரி ஆம் ஆத்மி கட்சி புதன்கிழமை துணைநிலை ஆளுநா் அலுவலகம் அருகே போராட்டம் நடத்தியது.

ஆம் ஆத்மி தில்லி பிரிவின் தலைவா் சவுரப் பரத்வாஜ், கட்சி எம்எல்ஏக்கள் மற்றும் தொண்டா்களுடன் சோ்ந்து கல்வி அமைச்சா் ஆஷிஷ் சூட் ராஜினாமா செய்யக் கோரி கோஷங்களை எழுப்பினாா். அப்போது அவா் பேசியதாவது: தற்போதைய பாஜக அரசின் கீழ் மூன்று பெரிய மோசடிகள் எங்களுக்கு முன்னால் வந்துள்ளன.

தில்லி துணைநிலை ஆளுநா் என்ற முறையில், கண்காணிப்புத் துறை உங்கள் கீழ் வருகிறது; இந்த மோசடிகளை விசாரிப்பது உங்கள் பொறுப்பு. உங்களைச் சந்திக்கும்படி நாங்கள் கடந்த காலத்திலும் பல முறை கோரியுள்ளோம், ஆனால் பதில் கிடைக்காததால், நாங்கள் நேரில் சந்திக்க வந்தோம் என்றாா் அவா்.

ஆம் ஆத்மி எம்எல்ஏ ஜா்னைல் சிங் கூறியதாவது: பள்ளி மாணவிகளுக்கு விநியோகிக்க தில்லி அரசு வாங்கிய மிதிவண்டிகள் சில்லறை கடைகளில் கிடைக்கும் இதே போன்ற மிதிவண்டிகளை விட அதிக விலையில் வாங்கப்பட்டது . ரூ4, 200க்கு சில்லறை விலையில் வாங்கப்பட்ட சைக்கிளில் மிகவும் சிறந்த டயா்கள், பெடல்கள் மற்றும் பிற பாகங்கள் உள்ளன. அதே நிறுவனத்தின் சைக்கிளை ரேகா குப்தா அரசு மொத்த விலையில் ரூ. 6,957 ரூபாய்க்கு வாங்கியது என்றாா் அவா்.

துணைநிலை ஆளுநா் தரஞ்ஜித் சிங் சந்து போராட்டக்காரா்களை சந்திக்கவில்லை, ஆனால் அடுத்த மாதம் அவா்களை சந்திக்க நேரம் ஒதுக்கியிருப்பதாக கூறப்படுகிறது. ஆம் ஆத்மி உறுப்பினா்கள் சில காலமாக கூறப்படும் மோசடிகள் குறித்த பிரச்சினையை எழுப்பி வருகின்றனா், மேலும் இந்த மாத தொடக்கத்தில் மழைக்கால கூட்டத்தொடரில் டெல்லி சட்டமன்றத்திற்கு சைக்கிளில் சென்றனா்.

தில்லி அரசாங்கத்தின் வித்யா வாஹினி திட்டத்தின் கீழ் விநியோகிக்கப்பட்ட மிதிவண்டிகள் ஜிஇஎம் போா்டல் மூலம் வெளிப்படையாக வாங்கப்பட்டதாக சூட் முன்பு கூறியிருந்தாா், மேலும் ஆம் ஆத்மி கட்சியின் குற்றச்சாட்டுகளை கட்சித் தலைவா் அரவிந்த் கேஜரிவாலுக்கு விசுவாசத்தை நிரூபிப்பதை நோக்கமாகக் கொண்ட ‘சத்தம்‘ என்றும் தெரிவித்திருந்தது குறிப்பிடத்தக்கது.