சாம் கரணுக்கு மாற்று வீரராக ராஜஸ்தான் அணியில் இணையும் தாசுன் ஷானகா!
காயம் காரணமாக ஐபிஎல் தொடரிலிருந்து விலகியுள்ள சாம் கரணுக்குப் பதிலாக இலங்கை அணியின் கேப்டன் தாசுன் ஷானகா மாற்று வீரராக சேர்க்கப்பட்டுள்ளார்.
காயம் காரணமாக ஐபிஎல் தொடரிலிருந்து விலகியுள்ள சாம் கரணுக்குப் பதிலாக இலங்கை அணியின் கேப்டன் தாசுன் ஷானகா மாற்று வீரராக சேர்க்கப்பட்டுள்ளார்.
ஐபிஎல் மினி ஏலத்தின்போது, ராஜஸ்தான் ராயல்ஸ் அணி வீரர் சஞ்சு சாம்சன் டிரேடிங் முறையில் சென்னை சூப்பர் கிங்ஸ் அணியுடன் இணைந்தார். அவருக்குப் பதிலாக சென்னை சூப்பர் கிங்ஸிலிருந்து ஆல்ரவுண்டர்களான ரவீந்திர ஜடேஜா மற்றும் சாம் கரண் இருவரும் ராஜஸ்தான் ராயல்ஸ் அணியில் இணைந்தனர்.
இருப்பினும், காயம் காரணமாக ஐபிஎல் தொடர் தொடங்குவதற்கு முன்பாகவே சாம் கரண் தொடரிலிந்து விலகியுள்ளார். அவருக்குப் பதிலாக இலங்கை அணியின் கேப்டன் தாசுன் ஷானகா மாற்று வீரராக ராஜஸ்தான் ராயல்ஸ் அணியுடன் இணைந்துள்ளார்.
Advertisement
Advertisement
இது தொடர்பாக ஐபிஎல் நிர்வாகம் தரப்பில் தெரிவிக்கப்பட்டுள்ளதாவது: சாம் கரணுக்குப் பதிலாக ரூ. 2 கோடிக்கு இலங்கை அணியின் கேப்டன் தாசுன் ஷானகா ராஜஸ்தான் ராயல்ஸ் அணியில் மாற்று வீரராக இணையவுள்ளார். இலங்கை அணிக்காக தாசுன் ஷானகா 6 டெஸ்ட், 71 ஒருநாள் மற்றும் 131 டி20 போட்டிகளில் விளையாடியுள்ளார். சர்வதேச கிரிக்கெட்டில் அவர் 3350 ரன்கள் மற்றும் 86 விக்கெட்டுகளைக் கைப்பற்றியுள்ளார் எனத் தெரிவிக்கப்பட்டுள்ளது.
34 வயதாகும் தாசுன் ஷானகா கடந்த 2023 ஆம் ஆண்டு ஐபிஎல் தொடரில் குஜராத் ஜெயண்ட்ஸ் அணியில் இடம்பெற்று மூன்று போட்டிகளில் விளையாடியது குறிப்பிடத்தக்கது.