சென்னை அதிரடி வீண்: குஜராத் வெற்றி

ஐபிஎல் தொடரில் அகமதாபாதில் நடைபெற்று வரும் இன்றையப் போட்டியில் குஜராத் டைட்டன்ஸ் மற்றும் சென்னை சூப்பர் கிங்ஸ் அணிகள் விளையாடி வருகின்றன. இந்தப் போட்டியில் டாஸ் வென்ற சென்னை சூப்பர் கிங்ஸ் பந்துவீச்சைத் தேர்வு செய்ய, குஜராத் டைட்டன்ஸ் முதலில் பேட் செய்தது.

அந்த அணியில் தொடக்க ஆட்டக்காரர்களாக கேப்டன் ஷுப்மன் கில் மற்றும் சாய் சுதர்ஷன் களமிறங்கினர். இந்த இணை தொடக்கம் முதலே அதிரடியான ஆட்டத்தை வெளிப்படுத்தியது.

முதல் விக்கெட்டுக்கு 210 பந்து ரன்கள் குவித்த நிலையில், சாய் சுதர்ஷன் 103(51) ரன்களுக்கு அவுட்டானார். அடுத்து கேப்டன் கில் 104(55) அவுட்டானார்.

20 ஓவர்கள் முடிவில் 3 விக்கெட்டுகளை இழந்த குஜராத் 231ரன்கள் குவித்தது.

இமாலய இலக்கை துரத்திய சென்னை அணியின் தொடக்க வீரர்களான ரச்சின் முதல் ஓவரிலும், ரஹானே மற்றும் கேப்டன் ருதுராஜ் இரண்டு மற்றும் மூன்றாம் ஓவர்களிலும் அடுத்தடுத்து அவுட்டாகி அதிர்ச்சி அளித்தனர்.

3 ஓவர்களில் 10 ரன்களுக்கு 3 விக்கெட்டுகளை இழந்து சென்னை அணி தவித்தது.

தொடர்ந்து களமிறங்கிய மொயின் அலி, மிட்செல் இணை அதிரடியாக விளையாடு அணியை சரிவில் இருந்து மீட்டனர். 4வது விக்கெட்டுக்கு 100 ரன்கள் பார்ட்னஷிப் போட்டனர்.

இதையடுத்து மோகித் ஷர்மா வீசிய 13-வது ஓவரில் மிட்செல் 63(34), 15-வது ஓவரில் மொயின் 56(36) ரன்களுக்கு அவுட்டாகினர்.

இறுதியாக நிர்ணயிக்கப்பட்ட 20 ஓவர்களில் சென்னை சூப்பர் கிங்ஸ் அணி 8 விக்கெட்டுகளை இழந்து 196 ரன்கள் மட்டுமே எடுத்து தோல்வி அடைந்தது.

துபே 21, ஜடேஜா 18 ரன்களுக்கு அவுட்டாகி இருந்தனர். தோனி 11 பந்துகளில் 26 ரன்கள் அடித்து அவுட்டாகாமல் களத்தில் இருந்தார்.