ஆஸ்திரேலிய ஓபன்: காலிறுதிச் சுற்றுக்கு ஜோகோவிச் முன்னேற்றம்

ஆஸ்திரேலிய ஓபன் டென்னிஸ் தொடரின் ஆடவர் ஒற்றையர் பிரிவில் செர்பிய வீரர் நோவக் ஜோகோவிச் காலிறுதிச் சுற்றுக்கு முன்னேறியுள்ளார்.

ஞாயிற்றுக்கிழமை நடைபெற்ற 4-வது சுற்று ஆட்டத்தில் கனடாவின் மிலோஸ் ரோனிக்கை எதிர்கொண்டார் ஜோகோவிச். 2 மணி நேரம் 56 நிமிடங்கள் நடைபெற்ற இந்த ஆட்டத்தில் 7-6, 4-6, 6-1, 6-4 என்கிற செட் கணக்கில் ஜோகோவிச் வெற்றி பெற்றார். இது கிராண்ட்ஸ்லாம் போட்டிகளில் ஜோகோவிச்சின் 300-வது வெற்றியாகும்.

அதேசமயம், இதில் வெற்றி பெற்றதன்மூலம் ஜோகோவிச் காலிறுதிச் சுற்றுக்கு முன்னேறியுள்ளார். மெல்போர்ன் பார்கில் நடைபெறும் காலிறுதிச் சுற்றில் அவர் உலகின் 7-ம் நிலை வீரரான அலெக்சாண்டர் ஸ்வெரெவ்வை எதிர்கொள்கிறார்.