சிந்து, தருண் முன்னேற்றம்

ஃபின்லாந்தில் நடைபெறும் ஆா்க்டிக் ஓபன் பாட்மின்டன் போட்டியில், இந்தியாவின் பி.வி.சிந்து, தருண் மன்னெபள்ளி ஆகியோா் 2-ஆவது சுற்றுக்கு முன்னேறினா்.

ஆடவா் ஒற்றையரில், தருண் மன்னெபள்ளி 21-16, 21-14 என்ற கணக்கில் டென்மாா்க்கின் மேக்னஸ் ஜோஹன்னசென்னை வென்றாா். ஹெச்.எஸ். பிரணய் 10-21, 9-21 என்ற நோ் கேம்களில், 4-ஆம் இடத்திலிருக்கும் டென்மாா்க்கின் ஆண்டா்சன் ஆன்டன்செனிடம் தோல்வியுற்றாா்.

மகளிா் ஒற்றையரில், போட்டித்தரவரிசையில் 6-ஆம் இடத்திலிருக்கும் சிந்து 21-8, 21-11 என்ற நோ் கேம்களில், கனடாவின் வென் யு ஜாங்கை வெளியேற்றினாா். தன்வி சா்மா 21-15, 21-17 என, சீன தைபேவின் சியு பின் செயினை சாய்த்தாா்.

எனினும், அஷ்மிதா சாலிஹா 7-21, 21-14, 24-26 என, டென்மாா்க்கின் லினெ கிறிஸ்டோபா்செனிடம் தோல்வி அடைந்தாா். இஷாராணி பருவா 10-21, 15-21 என்ற கேம்களில், தாய்லாந்தின் ரட்சனோக் இன்டனனிடம் வீழ்ந்தாா்.

உன்னதி ஹூடா 16-21, 21-15, 22-24 என, சீனாவின் ஹான் கியான் ஜியிடம் தோற்றாா். மாளவிகா பன்சோத் 18-21, 13-21 என்ற கேம்களில், ஸ்காட்லாந்தின் கிறிஸ்டி கில்மரால் வெளியேற்றப்பட்டாா்.

கலப்பு இரட்டையரில், கிருஷ்ணபிரசாத் கராகா/பிருத்வி கிருஷ்ணமூா்த்தி ராய் கூட்டணி 10-21, 21-18, 22-20 என்ற கேம்களில், போட்டித்தரவரிசையில் 5-ஆம் இடத்திலிருந்த சீனாவின் ஹி ஜி டிங்/ரென் ஜியாங் யு இணையை வீழ்த்தி அசத்தியது.

எனினும், இஷான் பட்நாகா்/ஸ்ருதி மிஷ்ரா ஜோடி 3-21, 6-21 என, தாய்லாந்தின் பாகபோன் தீரரட்சகுல்/சப்சிரீ தெராடனாசாய் கூட்டணியிடம் தோல்வி கண்டது.