சிறந்த இளம் வீரருக்கான விருதை வென்ற ஆர்ஜென்டீன வீரர் நீகோ பஸ்!

ஆர்ஜென்டீன வீரர் நீகோ பஸ் (21 வயது) சீரி ஏ லீக்கில் 2025/26 சீசனின் சிறந்த இளம் வீரருக்கான விருதை வென்றுள்ளார். இவர் ஆர்ஜென்டீனாவின் அடுத்த மெஸ்ஸி என அழைக்கப்படுகிறார்.

இத்தாலியில் நடைபெறும் சீரி ஏ லீக்கில் நீகோ பஸ் கோமா 1907 என்ற அணியில் விளையாடி வருகிறார். மிட்ஃபீல்டராக இருக்கும் இவர் மெஸ்ஸியின் இயல்பில் விளையாடுவருகிறார்.

சீரி ஏ லீக்கில் நீகோ பஸ் 12 கோல்கள், 7 அசிஸ்ட்டுகளை செய்து அசத்தியுள்ளார். மேலும், கடந்த சீசனின் சிறந்த சீரி ஏ அணியிலும் இடம்பிடித்துள்ளார்.

இத்தாலியில் நடைபெறும் சீரி ஏ லிக்கிற்கான இளம் சிறந்த வீரர் என்ற விருது முதல்முறையாக அறிமுகப்படுத்தப்பட்டுள்ளது. இந்த விழா மிலனில் லா ஸ்காலா என்ற இடத்தில் நடைபெற்றது.

கோமா 1907 அணியின் தலைமைப் பயிற்சியாளர் செஸ்க் ஃபேப்ரிகாஸ் 2025/26 சீசனின் சிறந்த பயிற்சியாளருக்கான விருதை வென்றுள்ளார்.

கடந்த சீசனில், முதலிடம் பிடித்த இன்டர் மிலன் சீரி ஏ கோப்பையை வென்றது. நான்காம் இடம்பிடித்த கோமா 1907 சாம்பியன்ஸ் லீக்கிற்கு முதல்முறையாகத் தேர்வாகி சாதனை படைத்துள்ளது.

இந்த சாதனைக்கு நீகோ பஸ் மிகவும் உதவியுள்ளார் என்பது குறிப்பிடத்தக்கது. அந்த அணிக்கு சாம்பியன்ஸ் லீக்கை வென்று தருவாரா என்ற எதிர்பார்ப்பு அதிகரித்துள்ளது.