அகில இந்திய மருத்துவ இடங்களைக் கைவிட ஆக.6 கடைசி

அகில இந்திய கலந்தாய்வில் பெற்ற இடங்களைக் கைவிட திங்கள்கிழமை (ஆக.6) கடைசி நாளாகும்.
எம்.பி.பி.எஸ்., பிடிஎஸ் படிப்புகளுக்கான முதல் கட்ட அகில இந்திய கலந்தாய்வில் இடங்களைப் பெற்ற மாணவர்கள் ஆகஸ்ட் 8-ஆம் தேதிக்குள் அந்தந்த மருத்துவக் கல்லூரிகளில் சென்று சேர வேண்டும் என்று அறிவிக்கப்பட்டுள்ளது. இந்நிலையில் முதல் கட்ட கலந்தாய்வில் இடங்களைப் பெற்றவர்கள் தங்கள் இடங்களை ஆக. 6-ஆம் தேதிக்குள் கைவிட வேண்டும் என்று அறிவிக்கப்பட்டுள்ளது. 
மத்திய சுகாதார சேவைகள் இயக்ககத்தின் மருத்துவக் கலந்தாய்வு குழு வியாழக்கிழமை வெளியிட்டுள்ள அறிவிப்பு: அகில இந்திய முதல் கட்ட கலந்தாய்வில் பங்கேற்று இடங்களைப் பெற்று கல்லூரியில் சேர்ந்தவர்கள் தங்கள் இடத்தைக் கைவிட நினைத்தால், கல்லூரி நிர்வாகத்தை அணுக வேண்டும். கல்லூரிகளில் இடங்களைக் கைவிடுவதற்கான இணையதள வசதியைப் பயன்படுத்தி ஆக.6-ஆம் தேதி பிற்பகல் 3 மணிக்குள் தங்கள் இடங்களைக் கைவிட வேண்டும். 
முதல் கட்ட கலந்தாய்வில் இடங்களைப் பெற்று கல்லூரியில் சேராதவர்கள் இடங்களைக் கைவிடும் நடைமுறைகளைப் பின்பற்றத் தேவையில்லை என்று அதில் தெரிவிக்கப்பட்டுள்ளது. மேலும் விவரங்களுக்கு ம்ஸ்ரீஸ்ரீ.ய்ண்ஸ்ரீ.ண்ய் என்ற இணையதளத்தைப் பார்வையிடலாம்.