பிரதமருக்கு பாஜக, அதிமுக சார்பில் உற்சாக வரவேற்பு

தமிழகத்தில் பல்வேறு நலத்திட்டங்களைத் தொடக்கி வைப்பதற்காக சென்னை வந்துள்ள பிரதமர் நரேந்திர மோடிக்கு பாஜக, அதிமுக சார்பில் உற்சாக வரவேற்பு அளிக்கப்பட்டது.

அடையாறு ஐ.என்.எஸ். கடற்படை தளத்திலிருந்து நேரு உள்விளையாட்டு அரங்கிற்கு சாலைவழியாக கார் மூலம் சென்றபோது சாலையில் இருபுறங்களிலும் திரண்ட தொண்டர்கள் பிரதமரை உற்சாகமாக வரவேற்றனர்.

சாலையில் ஆங்காங்கே அதிமுக - பாஜக சார்பில் கலை நிகழ்ச்சிகளும் ஏற்பாடு செய்யப்பட்டிருந்தன.

மக்களின் வரவேற்பை ஏற்றுக்கொள்ளும் வகையில் மக்களை நோக்கி பிரதமர் மோடி கையசைத்தார்.