சென்னையில் ஆபரணத் தங்கத்தின் விலை சவரனுக்கு ரூ.680 குறைந்து ஒரு சவரன் ரூ. 72,560-க்கு விற்பனை செய்யப்படுகிறது.

போர்ப்பதற்றம் மற்றும் மத்திய கிழக்கில் இருந்த நிச்சயமற்ற தன்மை காரணமாக சென்னையில் தங்கம் விலை கடந்த சில நாள்களாக ஏற்ற, இறக்கமாக இருந்து வந்த நிலையில் சனிக்கிழமை சவரனுக்கு ரூ.200 உயர்ந்து ரூ.73,880-க்கும் விற்பனையானது.

அதைத்தொடா்ந்து திங்கள்கிழமை தங்கம் விலை கிராமுக்கு ரூ.5 குறைந்து ரூ.9,230-க்கும், சவரனுக்கு ரூ.40 குறைந்து ரூ.73,840-க்கும் விற்பனையானது. செவ்வாய்க்கிழமை சவரனுக்கு ரூ.600 குறைந்து ரூ.73,240 விற்பனையானது.

இந்த நிலையில், புதன்கிழமையான இன்று(ஜூன் 25) மூன்றாவது நாளாகவும் தங்கம் விலை குறைந்து விற்பனையானது. சென்னையில் ஆபரணத் தங்கத்தின் விலை சவரனுக்கு ரூ.680 குறைந்து ஒரு சவரன் ரூ. 72,560-க்கும் கிராமுக்கு ரூ.85 குறைந்து ஒரு கிராம் தங்கம் ரூ.9,070-க்கும் விற்பனை செய்யப்படுகிறது.

அதேபோல வெள்ளி விலை கிராம் ரூ. 1 குறைந்து ரூ.119-க்கும், கட்டி வெள்ளி (ஒரு கிலோ) ரூ.1,19,000-க்கும் விற்பனையாகிறது.

இதையும் படிக்க... ஈரானின் அணுசக்தி தளத்தை பங்கர் பஸ்டர் குண்டுகள் முழுமையாக அழிக்கவில்லை! -