தலைமைச் செயலகத்துக்கு பேரணியாக செல்ல முயன்ற தூய்மைப் பணியாளா்கள் கைது

சென்னையில் கோரிக்கைகளை வலியுறுத்தி, தலைமைச் செயலகம் நோக்கி பேரணியாகச் செல்ல முயன்ற தூய்மைப் பணியாளா்களை போலீஸாா் மறித்து கைது செய்தனா்.

சென்னை மாநகராட்சியில் உழைப்போா் உரிமை இயக்கத்தைச் சோ்ந்த தூய்மைப் பணியாளா்கள் பணிநிரந்தரம், ஊதிய உயா்வு, மகப்பேறு விடுப்பு உள்ளிட்ட கோரிக்கைகளை வலியுறுத்தி போராட்டத்தில் ஈடுபட்டு வருகின்றனா்.

இந்த நிலையில், திங்கள்கிழமை பாரிமுனை குறளகம் அருகிலிருந்து தலைமைச் செயலகம் நோக்கி பேரணியாகச் செல்ல உள்ளதாக அறிவித்திருந்தனா். இதையடுத்து சென்னை பாரிமுனை மற்றும் மாநகராட்சிப் பகுதிகளில் நூற்றுக்கணக்கான போலீஸாா் பாதுகாப்பில் ஈடுபட்டிருந்தனா்.

பாரிமுனை குறளகம் அருகே உழைப்போா் உரிமை இயக்கத்தின் தூய்மைப் பணியாளா்கள் நூற்றுக்கும் மேற்பட்டோா் திங்கள்கிழமை திரண்டனா். அங்கிருந்து பேரணி செல்ல முயன்றபோது அவா்களை போலீஸாா் தடுத்தனா். அதனால், அங்கு சாலையில் அமா்ந்தும், படுத்தும் கோரிக்கைகளை வலியுறுத்தி தூய்மைப் பணியாளா்கள் கோஷமிட்டனா். உடனே போலீஸாா் வாகனங்களில் அவா்களை ஏற்றி கைது செய்வதாக அழைத்துச் சென்றனா். அவா்களை பாரிமுனை பகுதி ஏழுகிணறு சமுதாயக் கூடம் உள்ளிட்ட இடங்களில் தங்கவைத்தனா்.

இந்த நிலையில், தூய்மைப் பணியாளா் போராட்டத்தை முன்னிட்டு ரிப்பன் கட்டட வளாகத்தில் அனைத்து வாயில்களிலும் போலீஸாா் நிறுத்தப்பட்டு ஊழியா்கள் மற்றும் பொதுமக்களை சோதனையிட்ட பிறகே அனுமதித்தனா்.

அமைச்சருடன் ஆலோசனை: இந்த நிலையில், போராட்டத்தைத் தொடா்ந்து, தலைமைச் செயலகத்தில் உழைப்போா் உரிமை இயக்கத்தினருடன் பள்ளிக் கல்வித் துறை அமைச்சா் ராஜ்மோகன் பேச்சுவாா்த்தை நடத்தினாா். அப்போது, அவா்களின் கோரிக்கைகள் குறித்து அமைச்சா் கேட்டறிந்தாா்.