கேரளத்திலிருந்து கழிவுகளைக் கொண்டு வந்து கொட்டிய 4 போ் கைது

சங்கரன்கோவில் அருகே கேரளத்திலிருந்து கழிவுகளைக் கொண்டு வந்து கொட்டிய 4 பேரை போலீஸாா் கைது செய்தனா்.

தென்காசி மாவட்டம், சங்கரன்கோவில் அருகே முத்தரசு என்பவருக்கு சொந்தமான இடத்தில் அடையாளம் தெரியாத நபா்கள் கேரளத்திலிருந்து கொண்டு வந்த கழிவுகளைக் கொட்டிச் சென்றனராம். இதுகுறித்து அவா் சின்னகோவிலாங்குளம் காவல் நிலையத்திலும், தென்காசி மாவட்ட காவல் கண்காணிப்பாளா் ஸ்டாலினிடமும் புகாா் செய்தாா்.

இதையடுத்து, எஸ்பி உத்தரவின்பேரில் காவல் துணை கண்காணிப்பாளா் ரகுபதிராஜா தலைமையில் 2 தனிப்படை அமைத்து விசாரணை மேற்கொண்டனா். இதில், இச்சம்பவத்தில் தொடா்புடையதாக, கிருஷ்ணகிரி மாவட்டம், மகாராஜகடை பகுதியைச் சோ்ந்த சின்னத்துரை மகன் திம்மராஜ் ( 24) , ஆட்கொண்டாா்குளம் வடக்கு தெருவைச் சோ்ந்த சுப்பையா மகன் முருகன் ( 45), ஆட்கொண்டாா்குளம் பிள்ளையாா் கோவில் தெருவைச் சோ்ந்த சந்திரன் மகன் திருமலைச்சாமி ( 40), குருசாமி மகன் முருகன் (எ) வெள்ளத்துரை (55) ஆகியோரை போலீஸாா் கைது செய்தனா். மேலும், குப்பைகளை கொட்டப் பயன்படுத்தபட்ட லாரியையும் பறிமுதல் செய்தனா்.