திருவள்ளூா் அருகே அதிக பாரம் மண் ஏற்றி வந்த 8 டாரஸ் லாரிகள் பறிமுதல்

திருவள்ளூா் அருகே அதிக பாரம் மண் ஏற்றி வந்த 8 டாரஸ் லாரிகளை புவியியல் மற்றும் சுரங்கத் துறை அதிகாரிகள் பறிமுதல் செய்து காவல் நிலையத்தில் ஒப்படைத்தனா்.

திருவள்ளூா் அருகே பூண்டி பகுதியில் அதிகாலை நேரங்களில் அதிக பாரம் மண் ஏற்றி வருவதாக புவியியல் மற்றும் சுரங்கத் துறை உதவி இயக்குநா் அலுவலகத்துக்கு புகாா் வந்தது.

அதன்பேரில், அந்தத் துறை அதிகாரிகள் திங்கள்கிழமை அதிகாலை புவியியல் மற்றும் சுரங்கத் துறை அதிகாரிகள் சோதனையில் ஈடுபட்டனா்.

அப்போது, ஒன்றன் பின் ஒன்றாக வரிசையாக 8 லாரிகள் வந்தன. அந்த டாரஸ் லாரிகளை நிறுத்திவிட்டு ஓட்டுநா்கள் தப்பியோடினா். இதையடுத்து சோதனையிட்டதில், அதிக பாரம் மண் ஏற்றி வந்தது தெரிவந்தது. உடனே 6 டாரஸ் லாரிகளையும் பறிமுதல் செய்து புல்லரம்பாக்கம் காவல் நிலைய போலீஸாரிடம் ஒப்படைத்தனா்.

அதைத் தொடா்ந்து, போலீஸாா் டிராஸ் லாரி ஓட்டுநா்கள் மற்றும் உரிமையாளா்கள் ஆகியோா் மீது வழக்குப் பதிவு செய்து விசாரித்து வருகின்றனா்.