ஓப்போ ஃபைன்ட் எக்ஸ் 9 ஸ்மார்ட்போன் (OPPO Find X9) இந்தியாவில் டிசம்பர் 8 ஆம் தேதி வெளியாகவுள்ளது.

ஓப்போவில் இதுவரை இல்லாத வகையில் வெல்வெட் சிவப்பு நிறத்தில் இந்த ஸ்மார்ட்போன் தயாரிக்கப்பட்டுள்ளது.

சீனாவைத் தலைமையிடமாகக் கொண்டு செயல்படும் ஓப்போ நிறுவனம் இந்திய பயனர்களைக் கவரும் வகையிலான தயாரிப்புகளை வழங்கி வருகிறது. அந்தவகையில் தற்போது ஃபைன்ட் எக்ஸ் 9 அறிமுகமாகவுள்ளது.

ஸ்மார்ட்போன் அறிமுகமாவதற்கு 10 நாள்களுக்கு முன்பு, இந்த ஸ்மார்ட்போனை வெல்வெட் சிவப்பு நிறத்தில் தயாரித்து இந்தியாவில் வெளியிட ஓப்போ முடிவு செய்தது.

வெல்வெட் சிவப்பு நிறத்தைத் தவிர, வெல்வெட் கருப்பு, விண்வெளி கருமை, டைட்டானியம் சாம்பல் நிறங்களிலும் தயாரிக்கப்பட்டுள்ளது.

ஃபைன்ட் எக்ஸ் 9 சிறப்பம்சங்கள்

• ஓப்போ ஃபைன்ட் எக்ஸ் 9 ஸ்மார்ட்போன் 7025mAh பேட்டரி திறன் கொண்டது. வேகமாக சார்ஜ் ஆகும் வகையில் 80W சார்ஜிங் திறம் கொடுக்கப்பட்டுள்ளது.

• மீடியாடெக் டைமன்சிட்டி 7500 புராசஸர் கொடுக்கப்பட்டுள்ளது.

• கலர் ஓஎஸ் ஆன்டிராய்டு உடையது.

• கேமராக்கு முக்கியத்துவம் கொடுக்கப்பட்டுள்ளதால், 200MP டெலிபோட்டோ சென்சார் கொண்டது.

• ஃபைன்ட் எக்ஸ் 9 வரிசை ஸ்மார்ட்போன்கள் இந்தியாவில் கிடைத்தாலும், வெல்வெட் சிவப்பு நிறமுடைய ஸ்மார்ட்போன் டிச. 8ஆம் தேதி முதல் இந்திய சந்தைகளில் கிடைக்கும்.

• இந்திய சந்தையில் இதன் விலை ரூ. 74,999.

• வங்கிச் சலுகைகள் மூலம் ரூ. 67,499-க்கு வாங்கலாம்.

இதையும் படிக்க | தங்கம் விலை மீண்டும் ரூ.95 ஆயிரத்தைக் கடந்தது!