சோனி எக்ஸ்பீரியாவில் புதிய ஸ்மார்ட்போன்! நாளை வெளியாகிறது

சோனி எக்ஸ்பீரியா 10 VIII என்ற ஸ்மார்ட்போன் நாளை (ஆக. 25) இந்திய சந்தையில் அறிமுகமாகவுள்ளது. இதனையொட்டி இந்த ஸ்மார்ட்போனின் சிறப்பம்சங்கள் குறித்த தகவல்கள் வெளியாகியுள்ளன.

ஜப்பானை தலைமையிடமாகக் கொண்டு செயல்படும் சோனி நிறுவனத்தின் தயாரிப்புகளுக்கு இந்திய சந்தையில் நம்பிக்கை மிகுந்த இடம் நீடித்துவருகிறது.

சோனி எக்ஸ்பீரியா 10 VIII சிறப்பம்சங்கள்

• சோனி எக்ஸ்பீரியா 10 VIII மாடல் ஸ்நாப்டிராகன் 6, 3 ஆம் தலைமுறை சிப்செட் கொண்டது.

• 8ஜிபி உள்நினைவகம், 256 ஜிபி நினைவகம் கொடுக்கப்பட்டுள்ளது.

• தனியாக மைக்ரோ எஸ்டி கார்டு ஸ்லாட் கொடுக்கப்பட்டுள்ளது.

• ஆன்டிராய்டு 16 இயங்குதளம் உடையது. ஆன்டிராய்டு அப்டேட் கொடுக்கப்பட்டுள்ளது.

• கேமரா பிரியர்களுக்காக பின்புறம் 200 எம்பி முதன்மை கேமரா, 50 எம்பி துணை கேமரா கொண்டுள்ளது. செல்ஃபி பிரியர்களுக்காக 32எம்பி கேமரா முன்புறம் கொடுக்கப்பட்டுள்ளது.

• 6000 எம்ஏஎச் பேட்டரி அல்லது 6500எம்ஏஎச் பேட்டரி வெளியாகும் என எதிர்பார்க்கப்படுகிறது. ஒரு நாள் முழுக்க பேட்டரி பேக்கப் வழங்கும் என சோனி நம்பிக்கை தெரிவித்துள்ளது.

• வைஃபை 6, ஜிபிஎஸ், என்எப்சி, யுஎஸ்பி டைப்-சி போர்ட் உள்ளிட்ட பல்வேறு கனெக்டிவிட்டி ஆதரவுகள்

• கருப்பு, வெள்ளை, ஊதா, மஞ்சள் ஆகிய நிறங்களில் இந்த புதிய சோனி எக்ஸ்பீரியா 10 VIII மாடல் அறிமுகமாகும் என்று தெரிவிக்கப்பட்டுள்ளது.