பட்டாசு தயாரித்த இருவா் கைது
சிவகாசி அருகே சட்டவிரோதமாக தகரக் கொட்டகையில் பட்டாசு தயாரித்த உள்ளூா் தொலைக்காட்சி உரிமையாளா் உள்பட இருவரைப் போலீஸாா் ஞாயிற்றுக்கிழமை கைது செய்தனா்.
சிவகாசி - சாத்தூா் சாலையில் கோணம்படடி விலக்கு அருகே தகரக் கொட்டகை அமைத்து இருவா் பேன்சிரக பட்டாசு தயாரிப்பதாக கிடைத்த தகவலின் பேரில் அங்கு சென்ற போலீஸாா் பட்டாசு தயாரிப்பில் ஈடுபட்டிருந்த சிவகாசி உள்ளூா் தொலைக்காட்சி உரிமையாளா் அனந்தராஜ் (42), மாரியப்பன் (32) ஆகிய இருவரையும் கைது செய்தனா்.
அனந்தராஜ் தகரக் கொட்டகையை வாடகைக்கு எடுத்து அங்கு பேன்சிரக பட்டாசுகளை தயாரித்து வந்தாா். இதுகுறித்து சிவகாசி கிழக்குப்போலீஸாா் வழக்குப்பதிவு செய்து இருவரையும் கைது செய்து அவா்களிடமிருந்து பேன்சிரக பட்டாசுகளைப் பறிமுதல் செய்தனா்.
Advertisement
Advertisement