உலக அளவில் மாணவர்களுக்கு உகந்த நகரங்கள்: சென்னை முன்னேற்றம்!

உலக அளவில் மாணவர்கள் கல்வி பயில உகந்த நகரங்கள் பட்டியலை கியூஎஸ் நிறுவனம் வெளியிட்டுள்ளது. அதில் புதுதில்லி, பெங்களூரு, சென்னை, மும்பை உள்ளிட்ட மாநகரங்கள் முன்னேற்றம் கண்டுள்ளன.

இந்த பட்டியலில், இந்திய அளவில் முதலிடம் பிடித்துள்ளது புதுதில்லி. கடந்த ஆண்டு 132வது இடத்திலிருந்த புதுதில்லி நிகழாண்டு 111வது இடத்துக்கு முன்னேறியுள்ளது. கடந்த ஆண்டு 118வது இடத்திலிருந்த மும்பை 113வது இடத்துக்கு முன்னேறியுள்ளது.

பெங்களூரு 17 இடங்கள் முன்னேறி 130வது இடம்பிடித்துள்ளது. கடந்த ஆண்டு 151வது இடத்திலிருந்த சென்னை 140வது இடத்துக்கு முன்னேறியுள்ளது.

இந்த பட்டியலில், லண்டன் தொடர்ந்து முதலிடத்தில் நீடிக்கிறது. ஜப்பான் தலைநகர் டோக்கியோ, தென்கொரிய தலைநகர் சியோல் முறையே 2வது மற்றும் 3வது இடங்களை தக்கவைத்துக் கொண்டுள்ளன.