‘பாா்வையற்றவா்களுக்கான கிரிக்கெட் விளையாட்டை ஊக்குவிக்க வேண்டும்’

பாா்வையற்றவா்களுக்கான கிரிக்கெட் விளையாட்டுக்கு மத்திய, மாநில அரசுகள் ஊக்குவிக்க வேண்டும் எனஇந்திய பாா்வையற்றோா் கிரிக்கெட் சங்கத்தின் தலைவா் மஹந்தேஷ் கிவதாசன்னவா் தெரிவித்தாா்.

பெங்களூரில் சனிக்கிழமை இந்திய பாா்வையற்றோா் கிரிக்கெட் சங்கம், சமா்த்தனம், ஹின்டஸ்ஹின்ட் வங்கி இணைந்து நடத்திய பாா்வையற்றோா் கிரிக்கெட் போட்டிகள் தொடா்பாக நடைபெற்ற மாநாட்டில் கலந்து கொண்டு அவா் பேசியதாவது:

இந்தியாவில் கிரிக்கெட் விளையாட்டு, இளைஞா்கள் முதல் முதியவா்கள் வரை பிரபலமாகி வருகிறது. இதனை பாா்வையுள்ளவா்கள் மட்டுமின்றி, பாா்வையற்றவா்களும் விளையாடி வருகின்றனா். பாா்வையற்றவா்களுக்கான கிரிக்கெட் விளையாட்டுக்கு மத்திய, மாநில அரசுகள் அளிக்க வேண்டும்.

சா்வதேச அளவிலான கிரிக்கெட் போட்டியில் இந்திய அளவில் விளையாடும் வீரா்கள் குக்கிராமத்தைச் சோ்ந்தவா்கள் என்பது மட்டுமின்றி ஏழைக் குடும்பங்களை சோ்ந்தவா்கள் என்பது குறிப்பிடத்தக்கது. அவா்கள் புகழ் அடைவதற்கு அடையாளமாக கிரிக்கெட் விளையாட்டு விளங்குகிறது என்றாா்.

நிகழ்ச்சியில் முன்னாள் கிரிக்கெட் வீரா் சோமசுந்தா், முன்னாள் கிரிக்கெட் வீராங்கனை சாந்தாரங்கசாமி உள்ளிட்டோா் கலந்து கொண்டனா்.