காலமானார் பத்மினி ஜேசுதுரை

சென்னை உயர் நீதிமன்ற முதல் பெண் நீதிபதி பத்மினி ஜேசுதுரை (84) சென்னையில் திங்கள்கிழமை காலமானார்.

அவருக்கு ஒரு மகனும், 3 மகள்களும் உள்ளனர்.

தூத்துக்குடி மாவட்டம், நாசரேத்தைச் சேர்ந்த அவர், 1954-ஆம் ஆண்டு வழக்குரைஞராகப் பணியைத் தொடங்கினார். பிறகு, 1983-ஆம் ஆண்டு கூடுதல் அரசு வழக்குரைஞரானார். பின்னர் 1986-ஆம் ஆண்டு சென்னை உயர் நீதிமன்ற நீதிபதியாக நியமிக்கப்பட்டார். 1993-ஆம் ஆண்டு அவர் பணியிலிருந்து ஓய்வு பெற்றார்.

மறைந்த பத்மினி ஜேசுதுரை, மத்திய நிர்வாகத் தீர்ப்பாய சென்னைக் கிளையின் துணைத் தலைவராகவும் பதவி வகித்துள்ளார்.