5 பேர் குண்டர் தடுப்புச் சட்டத்தில் கைது

சென்னையில் தொடர் குற்றச்செயல்களில் ஈடுபட்டு வந்த 5 பேர் குண்டர் தடுப்புக் காவல் சட்டத்தில் கைது செய்யப்பட்டனர்.
கொரட்டூரை சேர்ந்த ஜெய் (41), சாமுவேல் (23), புரசைவாக்கத்தைச் சேர்ந்த பரத் (28), பாடியை சேர்ந்த ரமேஷ்குமார் (24), ஆழ்வார்திருநகரைச் சேர்ந்த கார்த்திக் (21) ஆகியோர் தொடர் குற்றச் செயல்களில் ஈடுபட்டுவந்தனர். 
இவர்கள்மீது பல்வேறு காவல் நிலையங்களில் வழக்குகள் பதிவு செய்யப்பட்டுள்ளன. இவர்களை குண்டர் தடுப்புச் சட்டத்தில் கைது செய்ய சென்னை பெருநகர காவல் ஆணையர் ஏ.கே.விசுவநாதன் உத்தரவிட்டார்.
5 பேரும் குண்டர் தடுப்புக் காவல் சட்டத்தின் கீழ் புதன்கிழமை கைது செய்யப்பட்டு, சிறையில் அடைக்கப்பட்டனர்.