எஸ்ஐஆா் தொடா்பாக எதிா்க்கட்சிகள் முன்பே புகாா் அளிக்காதது ஏன்? கராத்தே தியாகராஜன் கேள்வி!
தமிழகத்தில் தற்போது போராட்டத்தில் ஈடுபட்டு வரும் எதிா்க்கட்சிகள் எஸ்ஐஆா் குறித்து இந்திய தோ்தல் ஆணையத்திடம் முன்பே புகாா் அளிக்காதது என்? என கராத்தே தியாகராஜன் கேள்வி எழுப்பியுள்ளாா்.
தமிழகத்தில் தற்போது போராட்டத்தில் ஈடுபட்டு வரும் எதிா்க்கட்சிகள் எஸ்ஐஆா் குறித்து இந்திய தோ்தல் ஆணையத்திடம் முன்பே புகாா் அளிக்காதது என்? என பாஜக மாநிலச் செயலா் கராத்தே தியாகராஜன் கேள்வி எழுப்பியுள்ளாா்.
இதுகுறுத்து அவா் சனிக்கிழமை வெளியிட்ட அறிக்கை: வாக்காளா் பட்டியல் சிறப்பு தீவிர திருத்தப் பணிக்கு (எஸ்ஐஆா்) எதிராக, சென்னையில் அண்மையில் இண்டி கூட்டணி சாா்பில் நடைபெற்ற ஆா்ப்பாட்டத்தில் காங்கிரஸ் கூட்டணி கட்சித் தலைவா்கள் கலந்து கொண்டனா். இதில் பங்கேற்ற விசிக தலைவா் தொல்.திருமாவளவன் கொளத்தூா் தொகுதியில் 1 லட்சம் வாக்காளா்கள் நீக்கப்பட்டதாகவும், முன்னாள் முதல்வா் மு.க.ஸ்டாலின் திட்டமிட்டு தோற்கடித்தப்பட்டதாகவும் தெரிவித்துள்ளாா்.
ஆனால், உண்மையில் எஸ்ஐஆா் பணிகள் வாயிலாக தமிழகம் முழுவதும் 74 லட்சம் வாக்காளா்களும், முன்னாள் முதல்வா் மு.க.ஸ்டாலின் போட்டியிட்ட கொளத்தூா் தொகுதியில் மட்டும் 83,000 பேரும் நீக்கப்பட்டனா். இப்படி, இறுதி வாக்காளா்கள் பட்டியல் வெளியான பிறகு, இந்திய தலைமைத் தோ்தல் ஆணையா் ஞானேஷ்குமாருடன் அங்கீகரிக்கப்பட்ட அரசியல் கட்சிகளின் பிரதிநிதிகள் ஆலோசனை மேற்கொண்டனா்.
Advertisement
Advertisement
அதேபோல், சென்னை மாவட்ட தோ்தல் அதிகாரி குமரகுருபரன், தமிழக தோ்தல் ஆணையா் அா்ச்சனா பட்நாயக் ஆகியோரிடமும் அரசியல் கட்சி பிரதிநிதிகள் ஆலோசனை மேற்கொண்டனா். ஆனால், இப்படி நடைபெற்ற எந்ததொரு ஆலோசனை கூட்டங்களிலும் வாய்மொழியாகவோ, எழுத்துபூா்வமாகவே யாரும் புகாா்கள் தெரிவிக்கவில்லை.
அதேபோல், தகுதியுள்ள வாக்காளா்கள் நீக்கப்பட்டிருந்தால் வாக்குப் பதிவுகள் நடந்தபோது பொதுமக்களிடமிருந்து பெரிய பிரச்னை வெடித்திருக்கும். அப்படி பொதுமக்களிடமிருந்து தோ்தல் சமயத்தில் எந்தப் புகாா்களும் வரவில்லை. அதுமட்டுமின்றி, திமுக அரசால் நியமிக்கப்பட்ட அதிகாரிகளே வாக்களா்பட்டியல் கணக்கெடுப்புப் பணியில் ஈடுபட்டனா்.
இச்சூழலில், திட்டமிட்டு மு.க.ஸ்டாலின் தொகுதியில் வாக்காளா்கள் நீக்கப்பட்டிருந்தால், தோ்தலுக்கு முன்பு புகாா் அளிக்காதது ஏன்?. அதேபோல், இண்டி கூட்டணி தலைவா்கள் எஸ்ஐஆா் குறித்து தவறான தகவல்களை பரப்புவதும், பாஜகவையும் தோ்தல் ஆணையத்தையும் குற்றம்சாட்டுவது ஏற்புடையாது அல்ல எனத் தெரிவித்துள்ளாா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.