பள்ளியில் நல உதவிகள் வழங்கல்

கல்பாக்கம் பாரத நகரில் உள்ள அஞ்சாலம்மாள் சிறப்பு பள்ளியில் படிக்கும் மனவளர்ச்சி குன்றிய மாணவர்களுக்கு புதன்கிழமை நல உதவிகள் வழங்கும் விழா நடைபெற்றது. 
சீ' தன்னார்வத் தொண்டு நிறுவனம் சார்பில், இப்பள்ளியில் பயிலும் 12 மாணவர்களுக்கு மூன்று சக்கர வாகனம், நடக்கும் உபகரணங்கள், மேலும் 40 மாணவர்கள் பயன்பெறும் வகையில், ரூ. 1லட்சத்து 50 ஆயிரம் மதிப்பில் உபகரணங்கள் வழங்கும் விழா நடைபெற்றது. விழாவுக்கு, நிறுவனத்தின் இயக்குநர் தேசிங்கு, செயலாளர் மலர், முன்னாள் ஊராட்சித் தலைவர் கிங் உசேன், ரோட்டரி சங்கத்தைச் சேர்ந்த பாபுலால் ஜெயின் உள்ளிட்டோர் பங்கேற்று, மாணவர்களுக்கு உபகரணங்களை வழங்கினர்.