கல்வியியல் கல்லூரியில் சமய நல்லிணக்க விழா

விநாயகர் சதுர்த்தியை முன்னிட்டு, காஞ்சிபுரத்தை அடுத்த செம்பரம்பாக்கம் பகுதியில் உள்ள சோழன் கல்வியியல் கல்லூரியில் புதன்கிழமை சமய நல்லிணக்க விழா நடைபெற்றது.
விழாவுக்கு, கல்லூரி முதல்வர் அன்பு தலைமை வகித்து, விநாயகர் சதுர்த்தி பிறப்பு, வரலாறு, தேசிய ஒருமைப்பாடு உள்ளிட்டவை குறித்துப் பேசினார். கல்லூரித் தாளாளர் சஞ்ஜீவி சிறப்புரையாற்றினார். தொடர்ந்து, விநாயகருக்கு சிறப்பு பூஜைகள் செய்யப்பட்டு, மாணவர்கள், பேராசிரியர்கள், பொதுமக்கள் ஆகியோருக்கு பிரசாதம் வழங்கப்பட்டது.
இதில், திரளானோர் கலந்துகொண்டனர். உதவி பேராசிரியர் தங்கராசு நன்றி தெரிவித்தார். உதவிப் பேராசிரியர் பெருமாள் விழாவை ஒருங்கிணைத்தார்.