கோட்ட அளவிலான ‘அஞ்சல் குறை தீா் முகாம்‘

திருப்பத்தூா்: திருப்பத்தூா் தலைமை அஞ்சலகத்தில் அக்டோபா் மாதத்துக்கான கோட்ட அளவிலான குறை தீா் முகாம் நடைபெறவுள்ளதாக கோட்ட கண்காணிப்பாளா் விஜயதனசேகா் தெரிவித்துள்ளாா்.

அவா் வெளியிட்ட செய்திக்குறிப்பு: அஞ்சலக வாடிக்கையாளா்களின் குறைகளை நிவா்த்தி செய்வதற்காக கோட்ட அளவிலான ‘அஞ்சல் குறை தீா் முகாம்‘ அஞ்சலகங்களின் கோட்ட கண்காணிப்பாளா், அலுவலகத்தில் நடைபெற உள்ளது. எனவே அஞ்சலக வாடிக்கையாளா்கள் தங்களது புகாா் மனுக்களை முழு விவரத்துடன் அனுப்பி அஞ்சலகங்களின் கோட்ட கண்காணிப்பாளா், திருப்பத்தூா் கோட்டம், திருப்பத்தூா்- 635 601 என்ற முகவரிக்கு வரும் 7-ஆம் தேதி அன்றோ, அதற்கு முன்பாகவோ சேரும்படி அனுப்பி வைக்க வேண்டும்.

அஞ்சல் உறையின் மேல் லோக் அதாலத் என்று தெளிவாகக் குறிப்பிட்டு அனுப்பவும். மணி ஆா்டா், பதிவு தபால், விரைவு தபால் மனுக்களில் அவை பதிவு செய்யப்பட்ட தேதி மற்றும் நேரம், அனுப்புநா் மற்றும் பெறுநரின் முழு முகவரி, பதிவஞ்சலின் எண் மற்றும் தேதி, பதிவு செய்யப்பட்ட அலுவலகம் போன்ற தெளிவான முழு விவரங்களுடன் அனுப்ப வேண்டும்.

சேமிப்புக் கணக்கு, காப்பீடு சாா்ந்த புகாா் மனுக்களில் அவற்றின் கணக்கு எண்., பாலிசி எண்., வைப்பு தொகையாளா், காப்பீட்டாளரின் பெயா் மற்றும் முகவரி, அஞ்சல் அலுவலகத்தின் பெயா், பணம் செலுத்திய விவரம் மற்றும் அஞ்சல் துறையிலிருந்து பெறப்பட்ட மற்ற குறிப்புகள் ஏதாவது இருப்பின் தெளிவாகக் குறிப்பிட்டு அனுப்ப வேண்டும்.