யானைகளால் நாசம்  செய்யப்பட்ட நெல் பயிர்

குடியாத்தம் அருகே கிராமத்துக்குள் நுழைந்த யானைக் கூட்டம் அங்கு பயிரிடப்பட்டிருந்த இரண்டரை ஏக்கர் நெல் பயிர்களை நாசம் செய்து விட்டுச் சென்றன.
குடியாத்தத்தை அடுத்த மோர்தானா காப்புக்காடு சரகத்துக்கு உள்பட்ட சைனகுண்டா கிராமம் தமிழக-ஆந்திர மாநிலங்களின் எல்லையில் அமைந்துள்ளது.புதன்கிழமை இரவு சைனகுண்டா கிராமத்துக்குள் நுழைந்த 4 யானைகள் அங்குள்ள பாபு, ரமேஷ்குமார், சந்திரபாபு ஆகியோரின் நிலங்களில் பயிரிடப்பட்டிருந்த சுமார் இரண்டரை ஏக்கர் நெல் பயிர்களை நாசம் செய்தன. தகவலின்பேரில் குடியாத்தம் வனத்துறையினர் அங்கு சென்று கிராம மக்கள் உதவியுடன் யானைகளை ஆந்திர மாநில வனப்பகுதிக்கு விரட்டினர்.