கோவையில் நாளை தனியார் வேலைவாய்ப்பு முகாம்

கோவை மாவட்ட வேலைவாய்ப்பு அலுவலகம் மூலம் தனியார் துறையில் வேலைவாய்ப்பு அளிக்கும் வகையில் வெள்ளிக்கிழமை (ஜூன் 7) வேலைவாய்ப்பு முகாம் நடைபெறவுள்ளது.
 இது குறித்து ஆட்சியர் த.ந.ஹரிஹரன், வெளியிட்டுள்ள செய்தி குறிப்பு:
 கோவை மாவட்ட வேலைவாய்ப்பு அலுவலகம் மூலமாக தனியார் துறையில் வேலைவாய்ப்பு பெறும் வகையில் வேலை அளிப்போர், வேலை தேடுவோர் சந்திப்பு நிகழ்ச்சி மாவட்ட வேலைவாய்ப்பு அலுவலகத்தில் ஒவ்வொரு மாதமும் நடைபெறுகிறது.
 இந்த முகாமில் படிக்காதவர்கள் முதல் படித்தவர்கள் வரையில் அனைவரும் பங்கேற்கலாம். இதில் பிட்டர், டர்னர், கணினி இயக்குபவர், டெய்லர், டேட்டா என்டரி ஆப்ரேட்டர் போன்ற தொழில் கல்வி பயின்றவர்களும் பங்கேற்கலாம். 
 இந்த முகாமில் தனியார் துறையில் வேலை அளிக்கும் நிறுவனங்கள் பங்கேற்று தகுதியான நபர்களை தேர்வு செய்ய உள்ளனர். 
இம் முகாமில் பங்கேற்க எவ்வித கட்டணமும் செலுத்த தேவையில்லை. மேலும் தேர்வு செய்யப்படும் நபர்களின் வேலைவாய்ப்பு அலுவலக பதிவு ரத்து செய்யப்படமாட்டாது என தெரிவிக்கப்பட்டுள்ளது.