வீட்டின் பூட்டை உடைத்து நகை திருட்டு

மதுக்கரையில் வீட்டின் பூட்டை உடைத்து 6 பவுன் நகை, ரூ.70 ஆயிரத்தை மர்ம நபர்கள் திருடிச் சென்றனர்.
கோவையை அடுத்த மதுக்கரை திருமுருகன் நகரைச் சேர்ந்தவர் சதீஷ்குமார் (40). இவர், சுந்தராபுரத்தில் இசை அகதெமி நடத்தி வருகிறார். 
இவர் தனது மனைவி மற்றும் குழந்தைகளுடன் ஆகஸ்ட் 20ஆம் தேதி வீட்டைப் பூட்டி விட்டு வெளியே சென்றுள்ளார். பின்னர் இரவு வீடு திரும்பியுள்ளனர். அப்போது வீட்டின் கதவு உடைக்கப்பட்டிருந்தது கண்டு அதிர்ச்சியடைந்தார்.
வீட்டுக்குள் சென்று பார்த்தபோது, 6 பவுன் நகை, ரூ.70 ஆயிரம் திருடு போயிருப்பது தெரியவந்தது. 
இதுகுறித்து சதீஷ்குமார்அளித்தப் புகாரின்பேரில் மதுக்கரை போலீஸார் செவ்வாய்க்கிழமை வழக்குப் பதிவு செய்து விசாரித்து வருகின்றனர்.