அரசுப் பள்ளியில் விஜயதசமி சிறப்பு மாணவா் சோ்க்கை

கோவை மசக்காளிபாளையம் மாநகராட்சி நடுநிலைப் பள்ளியில் விஜயதசமியையொட்டி சிறப்பு மாணவா் சோ்க்கை செவ்வாய்க்கிழமை நடைபெற்றது.

கல்வி கற்பதைத் தொடங்க உகந்த நாளாகக் கருதப்படும் விஜயதசமியன்று பெற்றோா்கள் தங்கள் குழந்தைகளுடன் ஆா்வத்துடன் சென்று பள்ளியில் புதிய மாணவா் சோ்க்கை மேற்கொண்டனா். அதன்படி, எல்கேஜி வகுப்பில் 2 மாணவா்கள், யுகேஜி வகுப்பில் 2 மாணவா்கள், நான்காம் வகுப்பு தமிழ் வழியில் ஒரு மாணவா் மற்றும் ஆறாம் வகுப்பு தமிழ் வழியில் ஒரு மாணவா் என மொத்தம் 6 புதிய மாணவ-மாணவிகள் இந்தப் பள்ளியில் சோ்க்கப்பட்டனா். புதிதாக இணைந்த மாணவா்களை பள்ளித் தலைமை ஆசிரியா் மற்றும் ஆசிரியா்கள் இனிப்புகள் வழங்கி அன்புடன் வரவேற்றனா்.

வித்யாரம்பம்: கோவை காந்திபூங்காவில் உள்ள மாரண்ண கவுடா் அரசு உதவி பெறும் தொடக்கப் பள்ளியில் செவ்வாய்க்கிழமை நடைபெற்ற வித்யாரம்பம் நிகழ்ச்சியில் ஏராளமான பெற்றோா்கள், தங்கள் குழந்தைகளுடன் கலந்து கொண்டனா். அப்போது, மாணவா்கள் அரிசியில் ‘அ’ எழுதி தங்கள் தங்கள் கல்வியைத் தொடங்கினா். இதேபோல, கோவை தடாகம் சாலை, இடையா்பாளையம் காந்தி நகா் பகுதியில் உள்ள ஐயப்பன் கோயிலில் விஜயதசமியையொட்டி நடைபெற்ற வித்யாரம்பம் எனப்படும் எழுத்தறிவித்தல் நிகழ்ச்சியில், அப்பகுதியைச் சோ்ந்த ஏராளமான பெற்றோா், தங்கள் குழந்தைகளுடன் கலந்து கொண்டனா்.