காவல் துறை சார்பில்  விழிப்புணர்வுக் கூட்டம்

நம்பியூரில் காவல் துறை சார்பில் விழிப்புணர்வு கூட்டம் வியாழக்கிழமை நடைபெற்றது.   
கூட்டத்துக்கு, நம்பியூர் அனைத்து வியாபாரிகள் சங்கத் தலைவர்  லிங்கராஜ் தலைமை வகித்தார். செயலாளர் ராஜாமாணிக்கம் முன்னிலை வகித்தார். 
கூட்டத்தில்,  நம்பியூர் மற்றும் சுற்றுவட்டாரப் பகுதிகளான குருமந்தூர், மலையப்பாளையம், வேமாண்டம்பாளையம், சாவக்கட்டுப்பாளையம் உள்ளிட்ட பல்வேறு பகுதிகளைச் சேர்ந்த வணிக நிறுவனங்களின் உரிமையாளர்கள் கலந்து கொண்டனர்.
இதில், நம்பியூர் காவல் ஆய்வாளர் மகாலிங்கம் கலந்து கொண்டு, சி.சி.டி.வி. காமிரா பொருத்துவது, சாலைப் பாதுகாப்பு விதிகளை கடைப்பிடிப்பது உள்ளிட்டவை குறித்து விளக்கி பேசினார்.  
கூட்டத்தில் வியாபாரிகள், பொதுமக்கள் கலந்து கொண்டு தங்களது கருத்துகளை பகிர்ந்து கொண்டனர்.