ரூ. 8.41 லட்சத்துக்கு விளை பொருள்கள் ஏலம்

பவானியை அடுத்த பூதப்பாடி ஒழுங்குமுறை விற்பனைக் கூடத்தில் ரூ. 8.41 லட்சத்துக்கு வேளாண் விளை பொருள்கள் ஏலம் செவ்வாய்க்கிழமை நடைபெற்றது. 
 இங்கு, விவசாயிகள் கொண்டு வந்த 12,524 தேங்காய்களில் சிறியவை ரூ. 7.50 க்கும், பெரியவை ரூ. 17.60 க்கும் என மொத்தம் ரூ. 1,28,440 க்கு ஏலம் போனது. 55 மூட்டைகள் தேங்காய் கொப்பரை கிலோ ரூ. 62.62 முதல் ரூ. 104.21 வரையில் என ரூ. 97,172 க்கும், 366 மூட்டைகள் நிலக்கடலை கிலோ ரூ. 27.30 முதல் ரூ. 46.33 வரையில் என ரூ. 4,69,851க்கும் விற்பனையானது. 
 2 மூட்டைகள் எள் கிலோ ரூ. 42.69 வீதம் ரூ. 2,767 க்கும், 103 மூட்டைகள் நெல் கிலோ ரூ. 10 முதல் ரூ. 19 வரையில் என ரூ. 1,29,450 க்கும், 12 மூட்டைகள் மக்காச்சோளம் கிலோ ரூ. 14.11 வீதம் ரூ. 13,629 க்கும் விற்பனையானது. மொத்தம், ரூ. 8,41,309 க்கு ஏலம் நடைபெற்றது.