சிறுபான்மையின மக்களுக்கு நலத் திட்ட உதவி

சிறுபான்மை மக்களுடனான கருத்துக் கேட்புக் கூட்டம் மாவட்ட ஆட்சியரகக் கூட்டரங்கில் வியாழக்கிழமை நடைபெற்றது.
இதற்கு ஆட்சியர் கே.எஸ்.பழனிசாமி முன்னிலை வகித்தார். தமிழ்நாடு சிறுபான்மையினர் ஆணையத் தலைவர் மா.பிரகாசம் தலைமை வகித்தார்.
இதில், சிறுபான்மையின மக்கள் பல்வேறு கோரிக்கைகள் தொடர்பான மனுக்களை அளித்தனர்.
திருமண உதவித் தொகை, முதியோர் உதவித் தொகை, மாற்றுத் திறனாளிகளுக்கான உதவித் தொகை என 42 பயனாளிகளுக்கு ரூ. 6.80 லட்சம் மதிப்பிலான நலத் திட்ட உதவிகள் வழங்கப்பட்டன. மாவட்ட வருவாய் அலுவலர் ச.பிரசன்னா ராமசாமி, சார் ஆட்சியர் ஷ்ரவண்குமார் உள்ளிட்டோர் பங்கேற்றனர்.