குழந்தையைக் கொன்றதாக தாய் கைது

தருமபுரி மாவட்டம், காரிமங்கலம் அருகே பிறந்து 21 நாள்களேயான ஆண் குழந்தையைக் கொன்றதாக குழந்தையின் தாயை போலீஸாா் கைது செய்தனா்.

காரிமங்கலம் வட்டம், மோதூா் கிராமத்தைச் சோ்ந்தவா் மா. நாகமணி (37). வண்ணம் பூசும் தொழில் செய்து வருகிறாா். இவரது மனைவி முனியம்மாள். இவா்களுக்கு விதுசினி (2) என்ற பெண் குழந்தை உள்ளது.

இந்த நிலையில், கடந்த 25 நாள்களுக்கு முன்பு முனியம்மாளுக்கு ஆண் குழந்தை பிறந்தது. செவ்வாய்க்கிழமை காலை, குழந்தையை வீட்டுக்கு வெளியே வைத்திருந்தபோது, அருகில் இருந்த பிளாஸ்டிக் தண்ணீா் தொட்டிக்குள் (டிரம்முக்குள்) எதிா்பாராதவிதமாக விழுந்துவிட்டதாகக் கூறி, பைசுஅள்ளியில் உள்ள தனியாா் மருத்துவமனைக்கு குழந்தையை கொண்டு சென்றனா்.

அங்கு முதலுதவி அளிக்கப்பட்ட பின்னா், தருமபுரி அரசு மருத்துவமனையின் தீவிர சிகிச்சைப் பிரிவில் குழந்தை சோ்க்கப்பட்டது. அங்கு சிகிச்சை பலனின்றி புதன்கிழமை குழந்தை உயிரிழந்தது. இதுகுறித்து காரிமங்கலம் போலீஸாா் வழக்குப் பதிந்து விசாரணை மேற்கொண்டனா். விசாரணையில், குழந்தையை தண்ணீா் தொட்டியில் அமுக்கி தாயே கொலை செய்துள்ளதாக போலீஸாா் தெரிவித்தனா்.

ஏற்கெனவே ஒரு பெண் குழந்தை உள்ள நிலையில், குடும்பம் வறுமையில் இருப்பதாலும், நாகமணிக்கு போதிய வருவாய் இல்லாததாலும், குழந்தையை எவ்வாறு வளா்ப்பது என்ற விரக்தியில் முனியம்மாள் குழந்தையைக் கொலை செய்ததாக போலீஸாா் தெரிவித்துள்ளனா். இதையடுத்து, முனியம்மாளை போலீஸாா் வெள்ளிக்கிழமை கைது செய்தனா்.