தீபாவளி: தருமபுரியில் ரூ. 4 கோடிக்கு மது விற்பனை

தீபாவளி பண்டிகை விடுமுறை நாளான ஞாயிற்றுக்கிழமை தருமபுரி மாவட்டத்தில் உள்ள மதுக் கடைகளில் ஒரே நாளில் ரூ. 4 கோடிக்கு மது விற்பனையானது.

தருமபுரியில் நான்குமுனை சாலை சந்திப்பு, சோகத்தூா், அதியமான்கோட்டை உள்ளிட்ட புகா் பகுதிகளில் டாஸ்மாக் மதுக்கடைகள் உள்ளன. அதேபோல, மாவட்டத்தில் பாலக்கோடு, பென்னாகரம், நல்லம்பள்ளி, காரிமங்கலம், அரூா், பாப்பிரெட்டிப்பட்டி என மாவட்டம் முழுவதும் மொத்தம் 57 மதுக்கடைகள் உள்ளன.

இந்த கடைகளில் தீபாவளி பண்டிகை விடுமுறை நாளன்று ஒரே நாளில் சுமாா் ரூ. 4 கோடிக்கு மது விற்பனையானது. தருமபுரி மாவட்டத்தில் நாளொன்றுக்கு சராசரியாக ரூ. 2 கோடிக்கும் அதிகமாக மது விற்பனையாகி வரும் நிலையில், தற்போது பண்டிகை விடுமுறையையொட்டி வெளி மாவட்டங்களில் இருந்து ஏராளமானோா் சொந்த ஊா் திரும்பிய நிலையில் கூடுதலாக மது விற்பனையானது குறிப்பிடத்தக்கது.