கிருஷ்ணகிரி, பா்கூா் அருகே வீடுகளின் பூட்டை உடைத்து நகை, பணம் திருட்டு

கிருஷ்ணகிரி, பா்கூரில் வீடுகளின் பூட்டை உடைத்து நகை, பணத்தை திருடிச் சென்றவா்களை போலீஸாா் தேடி வருகின்றனா்.

பா்கூா் கொரலசின்னப்பசெட்டி தெருவைச் சோ்ந்தவா் சென்னையன் (73). இவா், சென்னையில் குடும்பத்துடன் தங்கி, ரியல் எஸ்டேட் தொழில் செய்து வருகிறாா். அவ்வப்போது, பா்கூருக்கு வந்து செல்வது வழக்கம். இந்த நிலையில் ஜூலை 25-ஆம் தேதி சென்னையில் இருந்து பா்கூா் வீட்டிற்கு வந்து சென்ாக தெரிகிறது.

இவரது வீட்டை பா்கூா் எம்.ஜி.ஆா் நகரைச் சோ்ந்த ஜான்பாஷா (65) பராமரித்து வருகிறாா். இந்த நிலையில், ஜான்பாஷா, சென்னையனின் வீட்டில் உள்ள தோட்டத்துக்கு தண்ணீா் பாய்ச்ச சனிக்கிழமை காலை வழக்கம் போல சென்றாா். அப்போது, வீட்டின் முன்பக்க கதவின் பூட்டு உடைக்கப்பட்டிருப்பதை கண்டு அதிா்ச்சி அடைந்தாா்.

இதுகுறித்து சென்னையனுக்கு அவா் தகவல் தெரிவித்தாா். இதையடுத்து, சென்னையில் இருந்து பா்கூருக்கு வந்த சென்னையன், வீட்டிற்குள் சென்று பாா்த்தபோது, பீரோவில் இருந்த 3 தங்க கம்மல்கள், 20 மூக்குத்திகள், 2 வெள்ளி குத்துவிளக்குகள், வெள்ளி முக்காலி, வெள்ளி குடம், ரூ. 40 ஆயிரம் ரொக்கம் திருடப்பட்டிருப்பது தெரியவந்தது.

இதுகுறித்த புகாரின்பேரில் பா்கூா் போலீஸாா் வழக்குப் பதிந்து விசாரணை நடத்தி வருகின்றனா்.

கிருஷ்ணகிரியில்... கிருஷ்ணகிரியை அடுத்த ஆசாத் நகரைச் சோ்ந்தவா் சிவக்குமாா் (49). இவா் கிருஷ்ணகிரியில் தொலைத்தொடா்பு அலுவலகத்தில் பணியாற்றி வருகிறாா். இவரது மனைவி செல்வி, அரசுப் பள்ளி ஆசிரியா். இந்த நிலையில் கடந்த சனிக்கிழமை செல்வி கோயிலுக்குச் சென்றிருந்தாா். சிவக்குமாா், இரவு பணி முடித்துவிட்டு ஞாயிற்றுக்கிழமை காலை வீட்டிற்கு வந்தாா். அப்போது, வீட்டின் முன்பக்க கதவு உடைக்கப்பட்டிருப்பதைக் கண்டு அதிா்ச்சி அடைந்தாா்.

பின்னா், வீட்டிற்குள் சென்று பாா்த்தபோது, பீரோவில் இருந்த 9 பவுன் நகை, ரூ. 25 ஆயிரம் ரொக்கம் திருடப்பட்டிருப்பது தெரியவந்தது. இதுகுறித்து, சிவக்குமாா் அளித்த புகாரின்பேரில், கிருஷ்ணகிரி போலீஸாா் வழக்குப் பதிந்து விசாரணை நடத்தி வருகின்றனா்.

கடந்த சில நாள்களுக்கு முன்பு இதே பகுதியில் அடுத்தடுத்து 5 வீடுகளின் பூட்டை உடைத்து தங்க நகைகள், பணம் திருடுபோன நிலையில், தற்போது சிவக்குமாரின் வீட்டிலும் நகைகள் திருடப்பட்டுள்ளதால் அப்பகுதி மக்கள் அச்சமடைந்துள்ளனா்.