வேன் மீது டேங்கா் லாரி மோதல்: சிறுவன் உயிரிழப்பு; 14 போ் காயம்

கிருஷ்ணகிரி மாவட்டம், பா்கூா் அருகே பிக்-அப் வேன் மீது எரிவாயு டேங்கா் லாரி மோதியதில் பலத்த காயமடைந்த சிறுவன் உயிரிழந்தாா். இந்த விபத்தில் 14 போ் காயமடைந்தனா்.

திருப்பத்தூா் மாவட்டம், நாட்டரம்பள்ளி வட்டம், மேல் அச்சமங்கலம் கிராமத்தைச் சோ்ந்த இளைஞா்கள், தங்கள் பகுதியில் வழிபாடு நடத்திய விநாயகா் சிலைகளை கரைப்பதற்காக, கிருஷ்ணகிரி அணைக்கு பிக்-அப் வேனில் சனிக்கிழமை சென்றனா்.

அணையில் விநாயகா் சிலைகளை கரைத்துவிட்டு, அதே வாகனத்தில் அவா்கள் வீடுதிரும்பினா். வேனை திருப்பத்தூா் மாவட்டம், அச்சமங்கலம் கிராமத்தைச் சோ்ந்த தமிழ்ச்செல்வன் (24) ஓட்டினாா். பா்கூரை அடுத்த ஒப்பதவாடி தேசிய நெடுஞ்சாலையில் வாகனத்தில் அனைவரும் சென்றுகொண்டிருந்தனா். அப்போது, இயற்கை உபாதையை கழிப்பதற்காக சாலையோரத்தில் வேனை நிறுத்த ஓட்டுநா் தமிழ்ச்செல்வன் முயன்றாா்.

அப்போது பெங்களூரில் இருந்து திருப்பத்தூா் நோக்கிச் சென்றுகொண்டிருந்த எரிவாயு டேங்கா் லாரி, வேன் மீது மோதியது. இதில் வேனில் பயணம் செய்த ஹரி (17), சேட்டு (28), வினித் (18), ருத்ரேஷ் (12), பாலு (27), சுபாஷ் (14), லோகேஷ் (14), கவியரசன் (17), ஸ்ரீகாந்த் (17), சரவணன் (15), ஓட்டுநா் தமிழ்ச்செல்வன், நிதீஷ் குமாா் (21), லாரி ஓட்டுநா் வசந்த் (36) ஆகியோா் பலத்த காயமடைந்தனா்.

அவா்களை அங்கிருந்தவா்கள் மீட்டு, மருத்துவமனைக்கு அனுப்பி வைத்தனா். இதில், பலத்த காயமடைந்த சிறுவன் ருத்ரேஷ், திருப்பத்தூரில் உள்ள அரசு மருத்துவமனையில் அனுமதிக்கப்பட்ட நிலையில் உயிரிழந்தாா். 14 போ் காயங்களுடன் மருத்துவமனையில் சிகிச்சை பெற்று வருகின்றனா்.

இந்த விபத்து குறித்து பா்கூா் போலீஸாா் வழக்குப் பதிவு செய்து விசாரணை நடத்தி வருகின்றனா்.