போதைப்பொருள் கடத்தி வந்த காா் கவிழ்ந்து விபத்து
ஒசூா் அருகே போதைப்பொருள் கடத்திச் சென்ற காா் கவிழ்ந்ததில் அதில் இருந்த போதைப்பாக்குகள் சாலையோரத்தில் சிதறிக்கிடந்தன.
ஒசூா் அருகே போதைப்பொருள் கடத்திச் சென்ற காா் கவிழ்ந்ததில் அதில் இருந்த போதைப்பாக்குகள் சாலையோரத்தில் சிதறிக்கிடந்தன.
கிருஷ்ணகிரி மாவட்டம், ஒசூா் உட்கோட்டம், மத்திகிரி காவல் நிலைய எல்லைக்குள்பட்ட சின்ன பேலகொண்டபள்ளியில் தாா்ச்சாலையின் இடதுபுறம் குட்கா ஏற்றிக்கொண்டு வந்த கருப்பு நிற காா் கவிழ்ந்து சாலையோரத்தில் நின்றது.
புதன்கிழமை அதிகாலை 4.30 மணியளவில் மத்திகிரி போலீஸாருக்கு தகவல் கிடைத்ததையடுத்து, ரோந்துப் பணியில் இருந்த போலீஸாா் அங்கு சென்று ஆய்வு மேற்கொண்டனா். அப்போது, காரின் பின்பக்க இருக்கையில் போதைப்பாக்கு மூட்டைகள் இருந்தது தெரியவந்தது. அதில் பெரும்பாலான போதைப்பாக்கு மூட்டைகள் வேறு வாகனத்தில் எடுத்துச் சென்றுள்ளதை போலீஸாா் கண்டறிந்தனா்.
Advertisement
Advertisement
இதையடுத்து, சாலையோரம் மற்றும் காரில் இருந்த 100 கிலோ போதைப்பாக்குகளை போலீஸாா் மீட்டு காவல் நிலையத்துக்கு கொண்டு சென்றனா். போதைப்பாக்கு கொண்டுவந்தது யாா், அவை எங்கிருந்து கடத்தி வரப்பட்டது என அப்பகுதியில் உள்ள சிசிடிவி பதிவுகளை போலீஸாா் ஆய்வு செய்து வருகின்றனா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.