மருத்துவமனையில் நோயாளி தற்கொலை

நாமக்கல் மாவட்டம், எலச்சிப்பாளையம் அருகே புல்லாகவுண்டம்பாளையத்தை சேர்ந்த மணி (60), கடந்த 23-ஆம் தேதி தனது வீட்டில் கழுத்தை அறுத்து கொண்டு தற்கொலைக்கு முயற்சி செய்துள்ளார். இதில் படுகாயமடைந்த மணி சிகிச்சைக்காக நாமக்கல் மாவட்ட தலைமை அரசு மருத்துவமனையில் சேர்க்கப்பட்டார். கடந்த 2 நாள்களாக சிகிச்சை பெற்று வந்த நிலையில், திங்கள்கிழமை மாலை கழிவறைக்கு சென்ற மணி தான் உடுத்தியிருந்த வேட்டியில் தூக்கிட்டு தற்கொலை செய்து கொண்டார். மணிக்கும், அவரது மகன் சுரேஷுக்கும் கடந்த ஓர் ஆண்டாக நிலம் சம்பந்தமான பிரச்னை இருந்து வந்ததாக கூறப்படுகிறது. இதனால் மனமுடைந்த மணி தற்கொலை செய்திருக்கலாம் என்ற கோணத்தில் போலீஸார் விசாரணை மேற்கொண்டு வருகின்றனர்.