சமையலா் வீட்டில் 9 பவுன் நகை, ரூ. 21 ஆயிரம் திருட்டு

ஓமலூா் அருகே ஹோட்டல் சமையலா் வீட்டில் புகுந்து 9 பவுன் நகை, ரூ. 21 ஆயிரத்தைத் திருடிச் சென்ற மா்ம நபா்களை போலீஸாா் தேடி வருகின்றனா்.

ஓமலூா் ஜெய்நகரைச் சோ்ந்த ஹோட்டல் சமையலா் கோபி. இவா் திங்கள்கிழமை தனது தாய் சரோஜாவுடன் கோயிலுக்குச் சென்றிருந்தாா். அப்போது, அவரது வீட்டுக்குள் புகுந்த மா்ம நபா்கள் பீரோவில் வைத்திருந்த 9 பவுன் நகை, ரூ. 21 ரொக்கத்தை திருடிச் சென்றனா். பின்னா், வீட்டின் சாவியை வழக்கமாக வைக்கும் இடத்திலேயே மா்ம நபா்கள் வைத்துவிட்டு தப்பிச் சென்றனா்.

செவ்வாய்க்கிழமை செலவுக்காகப் பணம் எடுப்பதற்காக பீரோவைத் திறந்தபோதுதான் நகைகள் மற்றும் பணம் திருடப்பட்டிருப்பது தெரியவந்தது. இதுகுறித்த புகாரின்பேரில் ஓமலூா் போலீஸாா் வழக்குப் பதிவு செய்து விசாரணை நடத்தி வருகின்றனா்.

வீட்டின் சாவி வைக்கும் இடத்தை தெரிந்தவா்கள்தான் இந்த சம்பவத்தில் ஈடுபட்டிருக்கலாம் என்ற கோணத்தில் போலீஸாா் விசாரணை நடத்தி வருகின்றனா்.