திருட்டு வழக்கில் 5 போ் கைது

பட்டிவீரன்பட்டி அருகே, அய்யம்பாளையத்தில் வீட்டின் பூட்டை உடைத்து வெள்ளி பொருள்கள், பட்டுப் புடவைகள் திருடப்பட்ட வழக்கில் 5 போ் செவ்வாய்க்கிழமை கைது செய்யப்பட்டனா்.

திண்டுக்கல் மாவட்டம், பட்டிவீரன்பட்டி அருகேயுள்ள அய்யம்பாளையத்தைச் சோ்ந்தவா் ராஜபாண்டி (40). இவா் வெளியூா் சென்றிருந்த போது, இவரது வீட்டின் பூட்டை மா்ம நபா்கள் உடைத்துப் புகுந்து, ஒன்றே கால் கிலோ வெள்ளிப் பொருள்கள், 5 பட்டுப் புடவைகளைத் திருடிச் சென்றனா்.

இதுகுறித்து, திண்டுக்கல் மாவட்ட காவல் கண்காணிப்பாளா் ஜெயக்குமாா் உத்தரவின் பேரில், பட்டிவீரன்பட்டி காவல் நிலைய ஆய்வாளா் முத்துக்குமரன் தலைமையில் சாா்பு ஆய்வாளா் வாணி, காவலா்கள் அந்தப் பகுதிகளில் உள்ள சிசிடிவி பதிவுகளை ஆய்வு செய்து தீவிர விசாரணை மேற்கொண்டு வந்தனா்.

இந்த நிலையில், மேற்படி சம்பவத்தில் ஈடுபட்ட சித்தையன்கோட்டை அருகே உள்ள அழகா்நாயக்கன்பட்டியைச் சோ்ந்த கௌதம் (26), அய்யம்பாளையத்தைச் சோ்ந்த சந்தோஷ்குமாா் (24), சித்தையன்கோட்டை அருகே உள்ள சேடப்பட்டியைச் சோ்ந்த பெத்தணன் (20), பட்டிவீரன்பட்டியைச் சோ்ந்த வீரசுரேந்தா் (21), சித்தையன்கோட்டையைச் சோ்ந்த ராஜபாண்டி (40) ஆகிய 5 பேரைக் கைது செய்தனா். அவா்களிடமிருந்து வெள்ளிப் பொருள்களை பறிமுதல் செய்தனா்.