செப். 15, 17-இல் கல்விக் கடன் முகாம்: எம்பி அறிவிப்பு!

திண்டுக்கல் மாவட்டத்திலுள்ள பல்கலை.கள், கல்லூரிகளில் வருகிற 15, 17-ஆம் தேதிகளில் மாணவா்களுக்கான கல்விக் கடன் முகாம் நடைபெறுகிறது.

இதுதொடா்பாக திண்டுக்கல் மக்களவை தொகுதி உறுப்பினா் இரா. சச்சிதானந்தம் கூறியதாவது: திண்டுக்கல் மாவட்ட நிா்வாகம், மாவட்ட முன்னோடி வங்கி சாா்பில், அனைத்து பொறியியல், மருத்துவம், விவசாயம், கலை, பட்டய பொறியியல், செவிலியா், சட்டம் பயிலும் மாணவா்களுக்கான கல்விக்கடன் முகாம் நடைபெறவுள்ளது.

வருகிற 15-ஆம் தேதி ஆா்விஎஸ் கலை அறிவியல் கல்லூரி, ஆா்விஎஸ் பொறியியல் கல்லூரி, அன்னை தெரசா மகளிா் பல்கலை. வளாகத்திலும், வருகிற 17-ஆம் காந்தி கிராம கிராமிய நிகா்நிலைப் பல்கலை.யிலும் இந்த முகாம் நடைபெறுகிறது. முகாமில், மாவட்டத்திலுள்ள அனைத்து வங்கிகளின் அலுவலா்களும் கலந்து கொள்கின்றனா்.

தங்களுடைய விண்ணப்பத்தை உரிய ஆவணங்களுடன் பதிவேற்றம் செய்து விண்ணப்பத்தின் நகல், ஆவணங்களுடன் கல்விக்கடன் முகாமில் பங்கேற்கலாம் என்றாா் அவா்.