"தமிழக மீனவர்கள் பிரச்னைக்கு நிரந்தர தீர்வு காணவேண்டும்'

தமிழக மீனவர் பிரச்னைகள் குறித்து மத்திய, மாநில அரசுகள் நிரந்தர தீர்வு காண வேண்டும் என நாம் தமிழர் கட்சியின் ஒருங்கிணைப்பாளர் சீமான் தெரிவித்தார்.
  மதுரையில் இருந்து புதன்கிழமை சென்னை சென்ற அவர் விமான நிலையத்தில் செய்தியாளர்களிடம் கூறியது : இலங்கையில் உள்ள தமிழக மீனவர்களின் படகுகளை யாழ்ப்பாண நீதிமன்றம் அரசுடமை ஆக்கியுள்ளது. இதற்கு முன்பும் பலமுறை இதுபோல நடந்துள்ளது. இது குறித்து மத்திய அரசும், தமிழக அரசும் உரிய நடவடிக்கை எடுக்கவில்லை. இப்பிரச்னைக்கு மத்திய, மாநில அரசுகள்  நிரந்தர தீர்வுகாண வேண்டும்.
 மீனவர்கள் வட்டிக்கு கடன் வாங்கி பல லட்சம் மதிப்பில் படகுகள் வாங்குகின்றனர். அந்த படகுகள் இல்லாத நிலையில் அவர்களின் வாழ்வாதாரம் பாதிக்கப்படுகிறது என்றார்.